भेरिअन्ट अफ कन्सर्नविरुद्ध खोपले सुरक्षा प्रदान गर्छ। खोपले सङ्क्रमणको जोखिम पनि कम गर्छ।

तर यसले पूर्ण रूपमा जोखिम भने हटाउँदैन।

जोखिमबाट बच्नका लागि हात धुने, दूरी कायम गर्ने, भिडभाडमा मास्क लगाउने अनि गुम्म रहने स्थानमा हावा प्रवाहबारे सतर्क रहने जस्ता कार्यहरू पर्छन्।

नयाँ भेरिअन्टहरू किन फेला परिरहेका छन्?

भाइरसहरूले प्रजननका लागि आफ्नो प्रतिलिपि बनाउन सक्छन्। तर यसमा उनीहरू राम्ररी गर्न भने जान्दैनन्।

यो कार्यमा त्रुटि हुँदा आनुवंशिक संरचनामा परिवर्तन हुन्छ र नयाँ भेरिअन्टको उत्पत्ति हुन्छ।

यसले भाइरसलाई जीवित रहने अवस्था सृजना गरिदिए नयाँ भेरिअन्ट मौलाउँछ।

कोरोनाभाइरसले जति धेरै आफ्नो प्रतिलिपि बनाउन पाउँछ, त्यति नै उत्परिवर्तन हुने अवसर प्राप्त हुन्छ।

त्यसकारण सङ्क्रमण दर कम राख्नु महत्त्वपूर्ण हुन्छ।