![](https://jalpakhabar.com/wp-content/uploads/2021/12/DAB93FEF-79C3-436D-A18C-F3197A64EBBE.jpeg)
काठमाडौं : प्रधानमन्त्री शेरबहादुर देउवा सर्वदलीय बैठक बोलाउन सहमत भएका छन्। शुक्रबार प्रधानमन्त्री देउवा र माओवादी केन्द्रका अध्यक्ष पुष्पकमल दाहाल ‘प्रचण्ड ‘बीच भेटवार्ता भएको थियो।
भेटका क्रममा प्रधानमन्त्री देउवा संसद्को अवरोध हटाउन र अन्य मुख्य विषयमा छलफल गर्न सर्वदलीय बैठक बोलाउन सहमति भएको प्रधानमन्त्रीको सचिवालयले जनाएको छ।
संसद् अधिवेशनको पहिलो दिनमै एमालेले अवरोध गरेको थियो।
अवरोधका बीच सभामुख अग्निप्रसाद सापकोटाले ६ वटा विधेयक पेश गरेका थिए। सभामुख सापकोटाको भूमिका माथि प्रश्न उठाउँदै अघिल्लो अधिवेशनदेखि नै एमाले सांसदहरुले संसद् अवरोध गर्दै आएका हुन्।